• 2016-07-27-001.jpg
  • 2016-07-27-001.png
  • 2016-07-27-002.jpg
  • 2016-07-27-003.jpg
  • 2016-07-27-004.JPG
  • 2016-07-27-005.JPG
  • 2016-07-27-006.JPG
  • 2016-07-27-007.JPG
  • 2016-07-27-008.jpg
  • 2016-07-27-009.jpg
  1. Көнеккеткен ауылдық округі - 1931 жылы құрылған.

 

  1. Көнеккеткен ауылдық округі әкімі аппаратының штаты:

1. Улдаш Зайдагалиевна Кадргалиева – әкім, 1965 жылы туған, білімі – жоғары,

2. Касым Жасуланулы Айткалиев – бас маман, 1990 жылы туған,  білімі – жоғары,

3. Гульнара Конырбаевна Нугманова – бас маман, 1968 жылы туған, білімі – арнаулы орта,

4. Гулфайруз Бекежановна Бактгереева – жетекші маман, 1994 жылы туған, білімі – жоғары.

 

  1. Округ аумағы: 46731 га, Орал қаласымен ара қатынасы – 154 км.

 

  1. Округтегі халық,  аула,  мал саны

р/с

Елді мекен атауы

Халық саны

Аула саны

Мал саны

Ірі қара

Қой ешкі

Жылқы

Түйе

1

Көнеккеткен

990

186

1413

4543

829

2

АШК

515

2

Қамыстыкөл

230

45

420

1965

307

-

Барлығы

1220

231

2348

6508

1136

2

 

  1. Білім беру саласы бойынша

а/ білім беру  ұялары

 

 

Мектеп атауы

 

Басшысы

Оқушы саны

Мұғалімдер саны

Ыстық тамақпен қамту

1

О.Исаев орта мектебі

Есбулатов Нурлан Муханбетович

131

36

103

2

Қамыстыкөл бастауыш мектебі

Сариева Мейрамгүл Жандетқызы

20

6

19

 

Барлығы

 

151

42

122

 

б/ мектепке  дейінгі  тәрбие  ұйымдары

 Шағын орталық

Басшысы

Қамтылған бала саны

Кезекте тұрған бала саны

1

«Балапан»    шағын орталығы

Лукпанова Гульжузум Бегимбаевна

36

-

2

«Балбөбек» шағын орталығы

Сулейменова Гулвира Уалиовна

13

-

Барлығы:

49

-

 

  1. Денсаулық сақтау саласы

Ауылдық акушерлі-вельдшерлік пункт меңгерушісі -Багдат Самаркандович Жумагалиев, 1991 ж.т., арнаулы орта

Қамыстыкөл  медициналық пунктінің фельдшері- Жулдыз Коблановна Жолмурзиева,

1988 ж.т., арнаулы орта

 

  1. Мәдениет саласы

Округте   1  ауылдық  клуб, 2 кітапхана  халыққа қызмет етеді.

Ауылдық клуб меңгерушісі - Ержан Кубашұлы Жайлыгулов  

Ауылдық кітапханасының меңгерушісі -Үміт Халелқызы Куандыкова

О.Исаев орта мектебінің кітапханашысы - Сулейменова Гулбаршын Зайдуллиевна

 

р/с

Кітапхана атауы

Кітап қоры

оқырмандар

1

Көнеккеткен кітапханасы

11299

617

2

Мектеп кітапханасы

11560

232

 

Барлығы

22859

849

 

  1. Ауыл шаруашылығы саласы

18  шаруа  қожалықтары  бар. (Оның 9-ы асылдандыру бағытында жұмыстануда)

 

  1. Шағын кәсіпкерлік

Округ бойынша 7 дүкен, 1 жастар демалыс орталығы, 3 көлік тасымалы, 1 өткел, 1 Актив байланысы, 1 мал бордақылау, 1 шаштараз. Барлығы 15 жеке кәсіпкер  жұмыс жасайды. 

 

  1. Халықты  жұмыспен  қамту  және  әлеуметтік  көмек

Ашылған  жұмыс  орындары - жоқ,  әлеуметтік   жұмыс  орындары  - жоқ.

Қоғамдық  жұмысқа  тартылғаны - 33 адам,  кәсіптік  оқытылғаны – жоқ.

 «Дипломмен ауылға» бағдарламасы бойынша 2018 жылға бюджет есебінен несие алған жоқ.

Кедей отбасы саны - жоқ

Атаулы әлеуметтік көмек алушылар - жоқ

 

  1. Қоғамдық  тәртіптің  сақталуы

Қылмыстар  саны - 7

Соның ішінде ұрлық

 

0

Ашылғаны-0

Құқық бұзушылықтар

7

 

 

Ауылдық  округ  бойынша  өзекті мәселелер

  1. Облыс және аудан орталығымен жол қатынастарының нашарлығы
  2. Мәдениет үйінің жоқтығы
  3. Электр желілерінің сымдарының, бағаналарының, трансформаторларының тозуына байланысты ауыстыру
  4. ФАП-ке күрделі жөндеу жүргізу
  5. Қамыстыкөл елді мекені тұрғындарының қатты тұрмыстық қалдықтар полигонын қоршау, мал моласын /биотермояма/ салу
  6. Интернет желісінің нашарлығы.

«Шежіре тұнған құт мекен». Көнеккеткен ауылындағы орта мектепте осындай атаумен мұражай ашылды

Бұл О.Исаев атындағы орта мектептегі осы игі жаңалыққа орай өткен салтанатқа аудан әкімі Әділ Жоламанов қатысып, тұрғындарды, еңбек ұжымдарының өкілдерін, мұғалімдерді, шәкірттерді құттықтады. Елбасымыз Нұрсұлтан Назарбаевтың «Рухани жаңғыру» бағдарламасына сай ауданымызда қолға алынған жұмыстарды жиналғандар алында Ә.Т.Жоламанов кеңінен баяндап берді. Былтырғы жылы 11586,0 теңгеге 21 жоба жасақталса, биыл 52520,0 теңгенің 32 жобасы қолға алынып, орындалу үстінде. Соның бірі – осы мұражай. Алдағы уақытта Тайпақ, Жаңабұлақ, Алмалы, Базартөбе, Бударинде ауқымды істер жүзеге аспақ. Елбасы «Қазақстанның киелі жерлерінің географиясы» жобасының қажеттігін назарға салғаны мәлім. Бұл бағытта ауданымызда журналистер, тарихшылар, өлкетанушылардан жасақталған топ тиісті істерді атқарып келеді. Айталық, көне қорымдарды, ескерткіш орындарын зерттеу, танып-білу Көнеккеткенде де қолға алынып отырғаны аса қуанышты. «Өткенсіз бүгін жоқ» деген, осындай жұмыстарға оқушыларды, жастарды кеңінен қатыстыру керек. Тәрбие қайнары деген сол. Аудан әкімі мұны ерекше атап өтті. Отанының, өз туған жерінің тарихын бүгінгі ұрпаққа таныту – кезек күттірмейтін іс. Осы орайда ауылда осыдан бірер жыл бұрын бой көтерген жаңа мектепте «Шежіре тұнған құт мекен» атты тарихи-өлкетану мұражайын жасақтау қолға алынған еді. Мектеп директоры Нұрлан Есболатов өз сөзінде осыған тоқтала келіп, ауылдастарының көмегіне зор ризашылығын арнады. Мұндай ауқымды іске қаражат керек екені анық. Ауылына жанашыр, ортақ міндеттерге қолдау көрсетіп жүретін шаруа қожалықтарының жетекшілері Нұрболат Зай-дағалиұлы, Арман Ілиясұлы, Нұрлан Мұқанбетұлы, Меңдеш Есенқұлұлы, Жомарт Жәрдемұлы, Нүркен Сүйіндікұлы, Ержан Мақсотұлы, Саид Оразайұлы және жеке кәсіпкер Үміт Жәсімқызы демеушілік көрсетті. Әрине, мұғалімдердің өздері де қарап қалмады. Сондай-ақ алдымен мұғалім қауым атыраптың тарихына дендеу үшін былтыр көне эпиграфикалық ескерткіштерді зерттеуді қолға алды. Оларға сол кезде аудандық туризм орталығының бас маманы Зейнолла Нұрмұханбетов бастаған топ, ардагер журналист Бақтығали Қоспаев, фотосуретке түсіруші Сәкен Әбілхайыров көмекке келді. Кейін мұғалімдер Әйгерім Қаланғалиқызы, Айгүл Жеңісқызы, Нұрболат Мәулетұлы, мұражай жетекшісі Гүлбаршын Зайдоллақызы қорымдарды үш дүркін қайта зерттеді. «DANA kaz» журналының бас редакторы, республикаға белгілі журналист, құлпытастардың тілін білетін Қазбек Құттымұратұлына 8 құлпытас, Бөкей ордасы тарихи музейі кешенінің бөлім меңгерушісі Гүлмару Самиғоллақызына 46 құлпытас оқытылды. Сөйтіп, былтыр Қойбас, Әйтімбет, Тасшеген, Мырзахмет, Байтоқа, Өгізқора қорымдарындағы бірқатар құлпытастар зерттелді. Мысалы, Әйтімбет қорымында 50-ден астам құлпытас бар екен. Әрине, зерттеу жұмыстары тоқтамайды. Әліп, Қызылақырап, Мұсағаш, Қарасу, Жанияр, Тая, Әлжан сор, Дуана, Науша батыр жерленген Тайлан қорымдары талай сыр бүгіп жатқаны анық. Құлпытас – қазақтың ұлттық рухы, тілі, діні, тарихы, жазба мәдениеті, сәулет және қолөнер өркениеті, сондай-ақ жердің нағыз иесі кім екендігін дәлелдейтін белгі. Соңғы жылдары облысымызда көне эпиграфикалық ескерткіштерді тауып, оқып, соның арқасында осы күнге дейін беймәлім болып келген кейбір тарихи тұлғалардың жерленген жерінің мәлім болуы зор олжа емес пе. Міне, сондықтан мұражайда біріншіден, «Құлпытастар – кешегінің куәсі, бүгінгінің – иманы, ертеңгінің – тәубесі» бөлімі жасақталды. Сондай-ақ мұнда «Ата-баба мұрасы – сарқылмайтын қазына» бөлімі салт-дәстүрімізді, қолөнерімізді әйгілейді. «Ерлік – елдің мерейі» бөлімінде: қазіргі таңда зейнеткер Гүлсім Қабиқызы әкесінің – «Қызыл Жұлдыз» иегері, Ұлы Жеңіс сарбазы Қаби Нұғмановтың кителін және арабша жазуы бар, қымыз құйып ішетін ағаш ыдысын табыс етті. Тағы бір «Қызыл Жұлдыз» иегері, ғұмырын ұстаздық қызметке арнаған Шари Қадырбаевтың 1938 жылы өзіне табыс етілген, латынша жазылған дипломымен қатар әр жылдардағы қолжазбалары, мұғалімдік жолында қолданған, латынша басылып шығарылған кітапшасы бар. Оның зайыбы Рахиманың да құнды дүниелері: анасынан қалған білезіктер, салы орамалы да осында. Бұл жәдігерлерді немере келіні Гүлбағида табыстаған. Өткен ғасырдың 30-шы жылдары мектептің меңгерушісі болған Зәкіржан Сүлейменовтің өз қолымен жазған өмірбаяны, көзілдірігі, жұмыс сөмкесін немере келіні Дания әкеліп берген. Зәкіржановтар, Сапар Ғабдолов, Уәли Сүлейменов, Молдағалиевтар отбасылары қолөнер бұйымдарын, т.б. ежелгі дүниелерді тарту еткен. Еңбек ардагерлері Жәрдем Ғабдушев, Жандет Сариев, Әбілтай Жұмағалиев, Теректі ауданындағы Қызылжар ауылының тұрғыны Хамит Салахиев сынды қариялар ауыл тарихын зерттеуге зор үлестерін қосты. Қолға алған тірліктің бәрі де рухани құндылықтарымызға деген құрметтен, өткен мен бүгінгінің сабақтастығын үзбеуге деген талпыныстан, жас ұрпаққа саналы тәрбие, сапалы білім беруге деген ұмтылыстан туындап отыр. Жиналған қауым мектеп ұжымының мерекелік шараға дайындаған концертін тамашалады. Осы күн құрметіне қазақ күресінен 2005-2006 жылдары туған жасөспірімдер мен 2007-2008 жылдарғы кіші жасөспірімдер арасындағы аудандық балалар-жасөспірімдер спорт мектебінің ашық біріншілігі өтті. Көнеккеткен, Есенсай, Құрайлысай ауылдық округтерінің балғын спортшылары қатысқан белдесулерге жеке кәсіпкерлер Нұрболат Қадырғалиев пен Арман Абдолов демеушілік көрсетті. Турнирдің қорытындысы бойынша өз салмақ дәрежелері бойынша І орынды көнеккеткендіктердің иеленгені ауылдың мерейін және тасытты. Олар: Елмұрат Сәбитов (32 кг.), Олжас Беріков (35 кг.), Расул Алтынтас (38 кг.), Санжар Зайдағалиев (42 кг.), Ерік Ғабдұлов (46 кг.), Шыңғыс Мұқанбет (23 кг.), Шаттық Төлеген (26 кг.), Айбек Қаматай (29 кг.), Рахат Мұратов (32 кг.), Мұханбет Сағадат (46 кг.), Бақтияр Ғизатов (50 кг.). Жүлдегерлерге Ә.Т.Жоламанов, еңбек ардагерлері, ауыл кәсіпкерлері естелік сыйлықтар тапсырды.

Нұрхат МАҒЗОМОВ


 


Ауа райы