• 2016-07-27-001.jpg
  • 2016-07-27-001.png
  • 2016-07-27-002.jpg
  • 2016-07-27-003.jpg
  • 2016-07-27-004.JPG
  • 2016-07-27-005.JPG
  • 2016-07-27-006.JPG
  • 2016-07-27-007.JPG
  • 2016-07-27-008.jpg
  • 2016-07-27-009.jpg

1. Тайпақ ауылдық округі - 1997 жылы  құрылған.

2. Тайпақ ауылдық округі  әкімі  аппаратының  штаты:

1) Шаленов Болат Байғалиұлы-әкім, 1963 жылы  туған, білімі- жоғары,

2) Есениязов Марат Сәлімгерейұлы-әкімнің орынбасары, 1969 жылы туған, білімі-жоғары, 

3) Гапуова  Зауре Нұриқызы – бас  маман, 1963 жылы туған, білімі – жоғары,

4) Ескендирова Ұлжан  Құрашқызы- бас  маман, 1962 жылы туған, білімі-жоғары,

5) Дүйсенбаева Бақытгүл Тұрарбеқызы- бас  маман, 1990 жылы туған, білімі-жоғары,

6) Канибетова  Гүлнира  Мұратқызы – жетекші маман, 1963 жылы туған, білімі-жоғары,

7) Мустахапов Лесбек Мергенғалиұлы-жетекші маман, 1982 жылы туған, білімі-жоғары.

8) Жетекші маман-бос лауазымдық орын.

 

3. Округ территориясы- 219,9 мың га. Қашықтығы: облыс  орталығынан- 275 км,  аудан  орталығынан -150 км.

4. Округтегі халық саны – 5735 адам.

 

 р/с

 

Елді  мекен  атауы

 

 

Халық  саны

 

Отбасы саны

             Мал басы

Ірі қара

қой-ешкі

жылқы

түйе

    1

Тайпақ

   4695

  1032

2697

11566

560

5

    2

Томпақ

    295

      66

1024

5529

320

9

    3

Шабдаржап

    745

    148

1876

9002

826

69

 

         Барлығы

   5735

   1246

5597

26097

1706

83

 

5. Білім беру  саласы 

  а) Білім беру ұялары

 

 р/с

 

      Мектеп  атауы

 Басшысы

Оқушы саны

Мұғалімдер саны

Ыстық тамақпен қамту

 1

Қ.Байсықов атындағы ЖОББМ

Ізбасарова Бағдагүл Сайынқызы

 

     517

 

      62

 

    294

 2    

Тайпақ мектеп-гимназиясы

Бос лауазымдық орын

 

       81

 

      21

 

      19

 3

Краснояр  ЖОББМ

Өтепбергенова Нұржамал Өтепбергенқызы

 

     168

 

      32

 

      124

 4

Краснояр  негізгі  мектебі

Жұмабаев  Арман Жұмабайұлы

 

      50

 

      19

 

      41

 5

Харькин  ЖОББМ

Иманғалиева Бекзат Ғилманқызы

 

     

     154

 

  

      31

 

 

      96

 6

№10  кәсіптік лицей

Кашимов  Мәлік  Закарияұлы

 

    112

 

      18

 

      82

 7

Саз  мектебі

Адилова  Ғайнижамал Өтепбергенқызы

 

      95

 

       11

 

        -

 

        Барлығы

 

   1177

      194

     656

 

б) мектепке дейінгі тәрбие орындары

р/с

 

Балабақша атауы

   Меңгеруші                  

   аты-жөні

Тәрбиеші-лер саны

Тәрбиелену- шілер саны

кезекте тұрған бала саны

1

«Айгөлек» балабақшасы

Ибрашева Алтынай Абайқызы

     20

  

    95

19

2

«Балбұлақ» балабақшасы

Иманғалиева Нұрмира Әбуқызы

     18

    75

11

 

       Барлығы

 

     32

   170

 30

 

6. Денсаулық сақтау саласы.   «Ақжайық  ауруханасы» МКҚК құрамына Тайпақ ауылындағы  аурухана,   Томпақ, Шабдаржап ауылдарындағы  фельдшерлік  пунктер кіреді.

«Ақжайық  ауруханасы» МКҚК директоры міндетін уақытша атқарушы– Джангалиева Жаннат Мендыкановна.

Шабдаржап медициналық пунктінің фельдшері -Сарсенғалиева Нұрбақыт Сатыбалдықызы, Томпақ медициналық пунктінің фельдшері-Ерболатова Малика  Ерболатқызы.

 

7. Мәдениет саласы. Округте 1 Мәдениет  үйі,  2  ауылдық клуб, 7  кітапхана халыққа қызмет  етеді.  Мәдениет  үйінің   директоры – Ғилманов   Дәурен  Қайдарұлы,  Мәдениет үйінде 9  үйірме жұмыс  істейді, үйірмелердің  174 мүшесі бар.

 

    Р/с

 

   Кітапхана   атауы

 

  Кітап  қоры

 

 Оқырмандар

    1

Тайпақ  кітапханасы

       68118

       5412

    2

Тайпақ гимназиясының кітапханасы

         5884

         240

    3

Қ.Байсықов  атындағы  ЖОББМ кітапханасы

        26512

         525

    4

Краснояр  ЖОББМ  кітапханасы

         8327

         198

    5

Краснояр  негізгі  мектебінің  кітапханасы

         6398

          94

    6

Харькин  ЖОББМ  кітапханасы

        9980

         210

    7

№10 кәсіптік  лицей  кітапханасы

        18058

         160

 

                           Барлығы

       143277

       6839

 

  1. Ауылшаруашылығы саласы. Ауылдық  округте 58 шаруа қожалығы бар,  олардың

50-  мал  өсірумен, 8 -  бау-бақша  өсірумен  айналысады.

 

  1. Шағын кәсіпкерлік. Ауылдық   округте  130   жеке  кәсіпкер  жұмыс  істейді.

 

  1. Халықты жұмыспен қамту және әлеуметтік көмек

Ашылған жұмыс орындары -2

Қоғамдық жұмысқа тартылғаны- 62,  жастар практикасына қатысушылар -3

Кедей отбасы саны- 40 отбасы,  226 адам.

Атаулы әлеуметтік көмек алушы- 40 отбасы, 226 адам.

 

Округ бойынша күрделі мәселелер:

Тайпақ ауылы

1) Тайпақ ауылының 2-3 негізгі көшелерін асфальттау

2) Жас мамандарға,  көп балалы отбасыларға, мүмкіндігі шектеулі азаматтарға арналған жаңа үйлер салу

3) Қ. Байсиқов атындағы  ОЖБМ -іне күрделі жөндеу жүргізу

4) Краснояр ОЖБМ-інің акті және спорт залына күрделі жөндеу жүргізу

5) Тайпақ гимназиясының төбесіне күрделі жөндеу жүргізу

 

Шабдаржап ауылы

Таза ауыз суын жүйесін жүргізу


«Бар әлемге «Мен қазақ!»- деп жар салған, Жыр-ақберен Жұбан туған бұл аймақ!»


Еліміздің барлық өңірлеріндегідей біздің ауылдық округте де Президенттің биылғы халыққа Жолдауы қызу талқыланып жатыр.

2018 жылғы 29 қаңтарда Тайпақ ауылына Елбасы Жолдауын халыққа түсіндіріп, насихаттау мақсатында облыстық, аудандық ақпараттық түсіндіру топ мүшелері техникалық реттеу және метрология комитетінің БҚО бойынша департаменті басшысының міндетін атқарушы Вахитов Салават Даутұлы, ҚР Табиғи монополияларды реттеу, бәсекелестікті және тұтынушылардың құқықтарын қорғау комитетінің БҚО бойынша департаментінің басшысы Оспанов Мұрат Сағынтайұлы, Ақжайық ауданы әкімінің орынбасары Абуғалиев Асқар Батырханұлы және ауыл әкімі Шаленов Болат Байғалиұлы халықпен кездесу өткізді. Кездесуге ауыл тұрғындары, мекеме басшылары, ардагерлер, кәсіпкерлер қатысты. Биылғы Жолдауда елдің әлеуметтік-саяси және қаржылық-экономикалық салаларын көтеруге, кәсіпкерлікті дамытуға көңіл бөлінді. Ардагерлер кеңесінің төрағасы Г.З.Садиров, Краснояр ОЖББМ директордың тәрбие ісі жөніндегі орынбасары А.С.Урашева жолдауға қатысты өз ойларын ортаға салды.


Тайпақтағы акция.

2018 жылғы 27 қаңтарда Тайпақ ауылдық округінің жұрты қыс маусымында су айдындарында балықтың жаппай тұншығуын болдырмау шараларына атсалысып, үлкен шара өткізді. Ауылдық округтің əкімі Б.Шаленовтың ұйымдастыруымен су айдындарында ойықтар жасауға тұрғындар,еңбек ұжымдарының өкілдері белсене қатысты.


Тайпақтың  тарихы бар  таңғажайып,

Халқы бар жырлауға  бір  таңға лайық.

 

Ата қонысымыз  Жайық  өңірі - өзен  бойы  ну орманды, қырлықтағы жайылым-дары жайқалған, балығы мен аң,  құсы мол  берекелі құтты мекен.   Жайық өзенін – көктемгі  су  тасу уақытындағы  жайылып, алқаптарды  шайып өтетін су айдынына қарай «арналы өзен» деп атаған. Қазақ  жерін басқарған  хан, сұлтан билігін жойып, рубасы, дінбасы, билердің билігіне шек қойған 1868 жылғы патша үкіметінің заңы «Уақытша ережесі», қазақ жерін төрт облысқа бөлген, соның бірі Орал облысы. Орал облысы 4 уезге – Орал, Гурьев, Ембі, Калмыков  болып  бөлінді.

Калмыков уезі орталығы – Калмыков  қалашығы болды. 1869 жылғы көктемде Тайпақ  тарихындағы рубасылардың  отарлау саясатына қарсы бірлескен қарулы наразы-лығына Тайпақ - Азынабай, Өлеңті, Құрайлы  т.б ондаған елді мекендерді қамтыған «Өлеңті көтерілісі» ХІХ ғасырдың 60 жылдарындағы  ең ірі, саяси маңызға ие  болды. Нәтижесінде  1891 жылы  Ембі, Калмыков уездері таратылып  орнына  Темір, Ілбішін уездері құрылды.

1917 жылы Калмыков тұрғындары оралдықтарға ақ патшаның тақтан құлағанын қолдаған құттықтаулар жіберген.  Азамат соғысы жылдары  Жайық  бойын  Чапаев диви-зиясының ержүрек командирі Иван Константинович Бубенец бастаған  атты әскерлер ақ гвардияшылардан азат еткен. 1919 жылдың 19 желтоқсанында Калмыковта Кеңес өкіметі орнады. Тайпақ  өңірі Кеңес билігіне көшкен жылы 15 болыстан құралды, оған Тайпақ және Фурманов аудандары  жері толық, Жаңақала, Чапаев, Индер, Қызылқоға  ауданда-рының біраз бөлігі кірді.  Калмыков уезінің 5113 ауласы басшылығына Павел Степанович Хаустов  тағайындалып, таптық санасы ояна бастаған  кедей шаруалармен бірлесіп қыруар іс тындырды.

1928 ж қаңтарда Орал губерниясының бұрынғы ізінде жаңа Кеңестік әкімшілік – аумақтық бөлініс -  аудандар  құрылды. Тайпақ ауданы да осы жылы құрылды. Тайпақ  өңірінде кооперативтік колхоздық  құрылыстың өрістеуі үшін аудандық  «Қосшы» Одағы құрылды.  «Қосшы» Одағы төрағасына Құмар Шурин сайланып, елге түскен ауыртпашы-лықтардан  құтылудың бір ғана жолы ұжымдасып еңбек ету екенін елге түсіндіруде, алғашқы артельдердің мүдесін қорғауда жігерлі коммунист Қ. Шурин басқарған Одақтың тындырған істері көп.

Ұлы Отан соғысына шақырылған тайпақтық 5201 адамның жартысынан көбі ұрыс даласында қаза болды, аман елге оралғандары бейбіт еңбектің көрігін қыздырып, ұрпақ сабақтастығын жалғастырды. Совет Одағының батыры Темір Масин Тайпақ аудандық партия комитетінің хатшысы болып, бейбіт күнде ел ырысына тиген жау қалың өртті сөндіру кезінде қаза болды. Ұлы Жеңіске тылда еңбек еткен еңбеккерлердің үлесі зор болды. Краснояр ауылындағы (Путь к коммунизму) колхозшысы Әжікен Шүйіншалиев жеке малдарын сатып түскен қаржысына майданға танк жасатқан, осындай Отанын сүйген патриоттардың арқасында қиындықтар игерілді.

Соғыстан кейін бейбіт еңбекте үлкен жетістіктерге жеткен азаматтар Үкіметтің жоғарғы наградаларына ұсынылды. Олардың қатарында соғыстан мүгедек болып оралса да еңбекке араласып, жылқы малын өсірудің шеберлігін меңгерген Қалеш Ғиылманов (1947 ж.), 39 жасында қой малын өз төлі есебінен өсіруде алған міндеттемесін асыра орындаған Демеу Жауынбаев (1971 ж.) Социалистік Еңбек Ері атақтарына ие болған.

Өмір тарихы ерлікке толы Тайпақ ауданы еңбеккерлері жасампаз еңбектің жаңа-шыл үлгісін көрсетіп 1988 жылы өзінің 60 жылдық салтанатын тойлады.

Тарихта 73 жыл бойы билік жүргізген Кеңес өкіметі (19. ХІІ.1919 ж. – 10.ІІ.1992 ж.) дәуірі аяқталып, қазақ жері тәуелсіз Қазақстан атанды. 1997 жылы мамыр айында елдің әкімшілік бөлінісінде өзгеріс болып, Чапаев, Тайпақ аудандары ізінде Ақжайық ауданы құрылды. Бүгінде аудандағы 18 округтің бірегейі Тайпақ ауылдық округі  жылдар бойы мақсат еткен, әлеуметтік – мәдени  тұрмысқа жеткен. 4 көше асфальтталған, газбен қамтылған, ауыз су, табиғи су тартылған.

Батыс  Қазақстан облысы  Ақжайық ауданы  Тайпақ ауылы  Тайпақ ауылдық округінің орталығы болып саналады, ауылдық округте  5859 адам тұрады. Тайпақ ауылы  Ақжайық ауданының орталығы Чапаев ауылынан 150 шақырым қашықтықта орналасқан.

Тайпақ  ауылы  аумағында орналасқан шаруа қожалықтары мен  тұрғындар  негізінен  ауыл шаруашылығы өнімдерін өндірумен айналысады.

Тайпақ  ауылынан 18 шақырым қашықтықта Томпақ ауылы, 38 шақырымда Шабдаржап ауылы орналасқан.

Осы елді мекендердің барлығы да  Тайпақ  ауылымен экономикалық  жағынан тығыз байланысты, өйткені  аталған елді мекендердің тұрғындары өсірген бау-бақша өнімдері мен мал шаруашылығы өнімдерін Тайпақ ауылына әкеліп сатады.

Тайпақ ауылын дамуының  іргелес ауылдық елді мекендерді дамытуда маңызы зор, өйткені, Тайпақ ауылында  көптеген мекемелер мен жеке кәсіпорындар, білім беру орындары орналасқан, 1361 адам тұрақты жұмыс жасайды.

Алдағы міндет - Тайпақ ауылын әлеуметтік және инженерлік инфрақұрылымы бар, сервистік қызметтердің кең спектрін көрсететін, жоғары дамыған мәдени орындары  бар,  абаттандырылған, тұрғындары  жаңадан  құрылған жұмыс орындарымен қамтылған елді мекен қатарына қосу үшін жұмыстану.

Тайпақ ауылдық округінің құрамына  Тайпақ, Томпақ және Шабдаржап ауылдары кіреді.

Ауылдық округтің жерінің жалпы көлемі  219912 гектарды құрайды, соның ішінде  елді мекен  жерлері 1231 гектар, ауыл шаруашылық маңызы бар жерлер 114217 гектар.

Тайпақ ауылдық округінде 5859 адам тұрады, оның 2898-і  әйелдер, 2961-і – ер адамдар. Тұрғындардың 46 пайызы экономикалық жағынан  белсенді халық, 1361 адам тұрақты жұмыс істейді,  134 адам жеке кәсіпкер, 5 заңды тұлға, 58 шаруа қожалығы, 271 адам жұмыссыз ретінде тіркелген, 1050 адам өзін-өзі жұмыспен қамтиды, 588 адам зейнеткер, 196 адам  мүгедектігі бойынша есепте тұр. 153 жас жоғары оқу орындарында, 342 жас техникалық және кәсіби білім беру орындарында  оқиды. 970 бала  мектептерде оқыса,  645 бала мектепке  дейінгі жаста.

Тайпақ ауылы республикалық маңызы бар Орал-Атырау жолының бойында Атырау қаласынан  240 шақырым қашықтықта, облыс орталығы Орал қаласынан 270 шақырым қашықтықта орналасқан.  78 адам Атырау облысының құрылыстары мен кен орындарында вахталық әдіспен жұмыс істейді.

Тайпақ  ауылдық  округінде полиция  бөлімі,  пошта  байланысы  торабы,  жұмыспен қамту және әлеуметтік  бағдарламалар бөлімінің мамандары, халыққа  қызмет  көрсету  орталығы, «Қазақтелеком» АҚ кәсіпорны филиалы, өрт  сөндіру  бөлімі,  мұрағат мекемесінің бөлімшесі, коммуналдық шаруашылық мекемесі  тұрғындарға  қызмет етеді.

2014 жылы қыркүйек айында «Қазақстан Халық Банкі» банкомат құрылғысы орнатылды.

2016 жылы Тайпақ ауылында медиация кабинеті ашылды.

Тайпақ ауылдық округі аумағында 33 жеке меншік сауда орындары, 3 тойхана, 2 кафе,   4  шаштараз,  2 жөндеу-ағаш кесу шеберханасы,  2 жану-жағар май станциясы,  2 дәріхана,  4 автокөлік жөндеу шеберханасы, 1 қоғамдық монша жұмыс істеуде.

Шаруа қожалықтарының саны – 58.

Округ халқы  негізінен мал өсірумен, бақша егумен айналысады.  2018 жылдың 1  қаңтарында ауылдық округтегі мүйізді ірі қара малы 4854 бас, қой мен ешкі 19295, жылқы 1918 , түйе 85, құс 1756  басты құрап отыр.    2017  жылы 1842 бас бұзау, 10793 бас қозы-лақ, 543 құлын, 11 бота алынды.

Соңғы жылдардағы ауа-райына, қуаңшылыққа байланысты жергілікті тұрғындар мал азығын дайындаудан қиыншылық көруде, сондықтан халық № 49 лиманды қайта жаңғыртуды қажет деп санайды. Сонымен қатар, шаруа қожалықтарын көп жылдық шөп егуге бағыттау да қажет.

 

Тайпақтағы  көктемгі бақша егістері

 

Ауылдық округте 2017 жылы 60 гектар алқапқа картоп, көкөніс, бау-бақша егілді, соның ішінде 15  га жерді картоп егісі, 20 га жерді көкөніс егісі,  25 га жерді бақша егісі алып жатыр.

Шаруа қожалықтары мен жеке кәсіпкерлер ауыл тұрғындарын қысы-жазы көкөніспен қамтамасыз ету үшін жылыжайлар салуды  және  алынатын өнімді молайту мақсатында тамшылатып суару әдісін енгізуді жобалап отыр.

Ауылдық округте  4 жалпы орта білім беретін мектеп, 1 кәсіптік колледж, 1 негізгі мектеп  және  3   мектеп жанындағы балалар шағын орталығы, 2 балабақша жұмыс істеуде. Шағын орталықтардағы бала саны -86, балабақшалардағы бала саны -169.

Қ.Байсиқов атындағы орта жалпы білім беретін мектебінің ғимараты күрделі жөндеуді қажет етеді. Тайпақ мектеп-гимназиясының ғимараты 1980 жылы салынғаннан бері күрделі жөндеу көрмеген, төбесі шиферланбаған, тамшы ағады, есік-терезелерінің тозығы жеткен, жылыту жүйесі де күрделі жөндеуді қажет етеді. Краснояр ОБЖМ ғимараты 1986 жылы пайдалануға берілген уақыттан бері күрделі жөндеу жүргізілмеген, төбесінен тамшы ағады, спорт залының қабырғасы жарылып тұр, жылыту жүйесі де тозған. «Айгөлек» балабақшасы 1990 жылы салынған,  сол уақыттан бері күрделі жөндеуден өтпеген, су жүргізілмеген, балаларға қолайлы әжетханасы жоқ, есік-терезелері тозған.  Қазіргі саз мектебінің ғимараты мектепке арналған типтік құрылыс емес, сондықтан жаңа саз мектебін салуды қажет деп санаймыз.  Алыс қыстақтарда 30-дан артық  отбасы тұрады, осы малшылардың балалары жатып оқитын арнайы интернатымыз жоқ.

Тайпақтағы  денсаулық сақтау жүйесіне  1 аурухана және Томпақ, Шабдаржап ауылдарындағы  фельдшерлік пунктер кіреді.  Оларда 18 дәрігер, 84 орта медицина буыны мамандары жұмыс   жасайды.  Тайпақ  ауруханасына 1 офтальмолог, 1 лор-дәрігер,                       1 хирург  жетіспейді.

Табиғи  газ құбырын жүргізу округте  1993 жылы басталды, Табиғи газ жүйесі   985 тұрғын үйге, 84 мекеме мен кәсіпорынға тартылған. Ауылдық округтегі үйлердің 79 пайызына газ қосылған. Тайпақ ауылында 161 үйде, Томпақта 21 үйде, Шабдаржап ауылында 31 үйге табиғи газ қосылмаған.

536 тұрғын үй, 1 монша,  4 кафе,   6 дүкен,  1 шеберхана, 1 мешіт және 20 мекеме таза ауыз су жүйесіне қосылған. 2017 жылы 2 көшеге жаңадан техникалық жазғы су жүйесі жүргізіліп, барлығы 21 көше техникалық жазғы сумен қамтамасыз етілді. Тайпақ ауылының  368 ауласына  жазғы су құбырымен су келіп тұр.

Ғаламтор желісі қалыпты жұмыс істеуде.   505  тұрғын үй мен  40 мекеме, кәсіпорындарға ғаламтор нүктесі қосылған.

 

Мәдениет үйінің орта топ бишілерінің мерекелік өнер көрсетуі

 

Ауылдық округте  Мәдениет үйі және 2 ауылдық клуб, үлкен кітап қоры бар 4  кітапхана, балалар және жасөспірімдер спорт мектебі жұмыс істейді.  2017 жылы Тайпақ Мәдениет үйі күрделі жөндеуден өтті.

Тайпақ Мәдениет үйі

 

Тайпақ балалар және жасөспірімдер спорт мектебі

 

Балалар және жасөспірімдер спорт мектебінде 170 бала әр түрлі спорт секцияларында спортпен айналысады. Спорт мектебі жанында  қысқы мұз айдыны құрылғысы орналасқан. Ауылдық мекендегі спорт және спорт-сауықтыру ғимараттарының желісі олардың жеткіліксіз санымен, нашар жабдықталуымен, төмен сапасымен сипатталады. 2017 жылдың тамыз айында Тайпақ ауылында жақсы жабдықталған ашық спорт алаңы салынды, алайда,  жастардың спортпен айналысуына қолайлы жағдайлары бар жаңа спорт кешенін салу қажет.  Балалар және ересектер кітапханасы, оқырмандар залы  Мәдениет үйінің екінші қабатында кішкене бөлмелерде орналасқандықтан кітаптарды сақтауға арнайы жағдайлары бар типтік кітапхана салуды жоспарға енгіздік.

 

Тайпақ ауылының Гагарин атындағы көшесі

 

Ауылдық округтің ішкі жолдарының ұзындығы 30 шақырым, соның ішінде кіре беріс жолды қосқанда  асфальт жолдың ұзындығы-5 шақырым. 2015 жылы Тайпақ ауылының  Гагарин көшесі 1,2  шақырым асфальтталды. 2017 жылы И.Тайманов және Әлия Молдағұлова көшелері 2,2 шақырым жолдары асфальт төселіп жөнделді.   Қазіргі кезеңдегі қалған 21 шақырым жолдар көктемгі және күзгі уақытта балшығы езіліп, техника мен адамның  жүріп-тұруына қолайсыз жағдай туады. Халық көп жүретін орталық көшелер (Махамбет, Д.Нұрпейісова, Ленин,  Х. Чурин көшелері), сонымен қатар аяқталмай қалған  ұзындығы 4 шақырым кіре беріс Орал-Атырау автотрассасына дейінгі жол асфальттауды қажет етеді. 2017 жылы  Гагарин, Х.Чурин көшелерінде  жаяу жүргіншілер жолын жасақтау басталды, 2018 жылы  бұл жұмыстар жалғастырылады.

Жеке кәсіпкер Ш. Кашимовтың автокөлік жөндеу шеберханасы

Ауылдық округ әкімі аппараты мемлекеттік қолдау мүмкіндіктерін пайдалана отырып,  «Бизнестің жол картасы 2020», «Жұмыспен қамту – 2020» бағдарламалары арқылы округте кәсіпкерлікті дамытуды әрі қарай ынталандыру шараларын жүзеге асыру жұмыстарын ұйымдастыруда. Жеке кәсіпкерлер өз қаражатына наубайхана құрылысы, тәтті тағамдар дайындайтын цех ашу,  ағаш өңдеу шеберханасының жаңа құрылысын салуды жобалап отыр. Жеке кәсіпкер Серғазиев С.Е.  Тайпақ ауылындағы «Нұржанай» тойханасын күрделі жөндеуден өткізіп, тойхана ғимаратын жаңа заман талаптарына сай өзгертті.

 

«Нұржанай» тойханасы күрделі жөндеуден кейін

 

 

Жаңадан салынған  «Мейірхан»  дәмханасының ішкі көрінісі

 

Округте арнайы талаптарға сай салынған мал сою алаңын, орталық көшелердегі қоғамдық тәртіпті бақылауды күшейту үшін  жергілікті полиция инспекторлары отыратын полиция тірек бекетін,  жолаушылар көлік күтетін аялдама құрылысын салу керек.

Қойылған міндеттерді шешу, көзделген инвестициялық жобаларды іске асыру, ауылдық округтің экономикалық әлеуетін көтеру, демографиялық және әлеуметтік көрсеткіштерді жақсарту, елді мекендердің тіршілігін қамтамасыз ету үшін дұрыс жағдай жасау бірінші кезектегі міндеттеріміз. Ауылдағы апатты жағдайдағы тозығы жеткен үйлерді бұзып, орнына жаңа үйлер салу жобаға енгізілді.  Көпқабатты тұрғын үйлердің көбі салынған уақытынан бері жөндеу көрмеген.  7 көпқабатты үйлерді «Тұрғын үй-коммуналдық шаруашылықты жаңғырту» бағдарламасы аясында жөндеуді жоспарға енгізген едік,  қазіргі кезеңде жоспарда жөнделуі қаралған  үйлердің үшеуі жөндеуден өтті.

Тайпақ ауылындағы Ғилманов көшесіндегі жөндеуден өткен көп пәтерлі үй

 

Тайпақ ауылындағы М. Мәметова көшесіндегі жөндеуден өткен көп пәтерлі үй

 

Елді мекеннің  қатты қалдықтарды төгетін алаңы  талапқа сай емес болғандықтан, алаңды оңтайлап қайта салу, көшелеріміздің  санитарлық тазалығын жоғары деңгейге көтеру үшін ауыл ішінде арнайы контейнерлік алаңдар орнату қажет.  Су өткізген үйлердің кәріздері  талапқа сай емес әрқалай жағдайда жүргізіліп жатырғандықтан Тайпақ елді мекенінде ортақ бірыңғай сүзгіден өткізгіші бар арналық канализация жүйесін салуды қажет деп санаймыз. Коммуналдық мекеме арнайы сорғыш көліктермен жабдықтауды қажет етеді.  2016  жылдың қаңтарынан бері жеке кәсіпкер Е.С. Байбатыров арнайы сорғыш көлік сатып алып, тұрғындарға  қызмет көрсетіп жүр.

 

«Ардагер»  саябағындағы  көктемгі жұмыстар

 

Ауылымызда жастардың арасында білім алу, жұмысқа орналасу, баспанамен қамтамасыз ету сияқты проблемалар  ең өзектілердің бірі болып қала береді. Алдағы бес жылда жастарға жаңа тұрғын үйлер салу да жобаланды. Жоспар бойынша Тайпақ ауылында орналасқан «Ардагер» және «Жастар» саябақтарының қоршаулары  темірге ауыстырылды, алдағы уақытта саябақтар ішінде су бұрқақтар мен тас жолдар салынып,  күрделі жөндеу қарастырылады.

 

 

Тайпақ ауылдық  округі бойынша күрделі мәселелер:

Тайпақ ауылы

1) Тайпақ ауылының 2-3 негізгі көшелерін асфальттау;

2) Жас мамандарға қызметтік пәтерлер салу;

3) Қ. Байсиқов атындағы  ОЖБМ-тің акті залын күрделі жөндеу жүргізу;

4) Краснояр ОЖБМ-інің акті және спорт залына күрделі жөндеу жүргізу;

5) Тайпақ гимназиясының төбесіне күрделі жөндеу жүргізу.

Шабдаржап ауылы

Таза ауыз суын жүйесін жүргізу.

Алдағы жылдарда атқарылатын жұмыстар

1) №49  Лиманды қайта жаңғырту;

2) Тайпақ ауылының  орталық көшелеріне (Махамбет, Д. Нұрпейісова,  Қ.Сағырбаев, Жумалиев, Жамбыл  атындағы)  тас жол (асфальт) төсеу. Барлығы 5 шақырым ауыл іші жолдарын жөндеу;

3) Коммуналдық және арендалық  үйлер салу (екі қабатты 14 пәтерлі 5 үй, екі және бір пәтерлік 25 үй);

4) Қ. Байсықов атындағы  ОЖББМ-нің Б корпусының апаттық жағдайда тұруына байланысты  қайтадан салу және жылу жүйесін күрделі жөндеу;

5) Краснояр ОЖББМ-ді   күрделі жөндеу;

6) Тайпақ  гимназиясын  күрделі жөндеу;

7) «Айгөлек»   мектепке дейінгі ұйымы ғимаратына күрделі жөндеу;

8) Тайпақ ауылының  орталық көшелеріне (Махамбет, Қ. Сағырбаев, Жумалиев, Жамбыл  атындағы) барлық ұзындығы 3 шақырым жаяу жүргінші жолына  асфальт төсеу;

9) Заманауи талаптарға сай  спорт кешенін салу(закрытый многофункциональный спортивный комплекс);

10) Газ желісі бармай тұрған көшелерге  газ желісін тарту, газ кіргізу талаптарына өзгерістер (кіргізу бағасын  төмендету, сигнализация және т.б.) енгізу

11) Томпақ және Шабдаржап елді  мекендеріне  «Ақбұлақ» бағдарламасымен су  жүргізу.


 


Ауа райы