• 2016-07-27-001.jpg
  • 2016-07-27-001.png
  • 2016-07-27-002.jpg
  • 2016-07-27-003.jpg
  • 2016-07-27-004.JPG
  • 2016-07-27-005.JPG
  • 2016-07-27-006.JPG
  • 2016-07-27-007.JPG
  • 2016-07-27-008.jpg
  • 2016-07-27-009.jpg

Аудан әкімдігінің 2014 жылғы 27 маусымдағы № 272 қаулысымен «Батыс Қазақстан облысы Ақжайық ауданының кәсіпкерлік бөлімі» мемлекеттік мекемесі туралы ереже бекітіліп 2014 жылғы 4 тамыздағы «Батыс Қазақстан облысы Ақжайық ауданының кәсіпкерлік, ауыл шаруашылығы және ветеринария бөлімі» мемлекеттік мекемесін, әрқайсысын бөліп шығару жолымен қайта құры туралы № 328 қаулысы негізінде кәсіпкерлік бөлімі құрылды.

 

Бөлім басшысы Ермуханов Артур Орынғалиұлы - 2018 жылдың 9 қаңтарынан бастап бөлім басшысы қызметін атқарып келеді.

Бас маман Сапарғалиев Қайрат Қабдоллаұлы - 2018 жылдың 24 қаңтарынан бөлімнің бас маманы қызметін атқарып келеді.

Статистик Нұрғалиева Фарида Даниярқызы.

 

Кәсіпкерлік саласы

Кәсіпкерлік саласын дамыту - жұмыс орындарын ашып, бюджеттік қаржыларды толықтырудың тұрақты көзі болып қана қоймай, экономиканың одан әрі өсуінің нақты факторына, сонымен қатар, халықты жұмыспен қамтамасыз етудің және әл - ауқатын жақсартудың негізіне айналып отыр.

Ағымдағы жылдың 2 айы ішінде аудан бойынша әлеуметтік - экономикалық даму өзінің оң серпінін сақтап отыр.

Тұтас алғанда ауданда 2018 жылдың 1 наурызындағы мәлімет бойынша тіркелген шағын кәсіпкерлік субъектілердің саны 1748 – ді құрап 3,6 пайызға өсті (2017 жылдың осындай кезеңінде 1688).

Соның ішінде жұмыс істейтіндер саны 1487 болып, белсенді кәсіпкерлік субъектілері деңгейі 85,1 пайызды құрады. (2017 жылдың осындай кезеңінде 1428 субъект немесе 84,6 пайыз).

  • заңды тұлғалар-142 (2017 жылдың осындай кезеңінде -142) соның ішінде жұмыс істейтіндер - 131 (2017 жылдың осындай кезеңінде -130).
  • жеке кәсіпкерлер - 784 (2017 жылдың осындай кезеңінде -793) соның ішінде жұмыс істейтіндер - 551 (2017 жылдың осындай кезеңінде -554).
  • шаруа қожалықтар - 822 (2017 жылдың осындай кезеңінде -753)соның ішінде жұмыс істейтіндер- 805 (2017 жылдың осындай кезеңінде -753) құрап отыр.

Шағын және орта кәсіпкерліктегі жұмысшылар саны ағымдағы жылдың 1 ақпанына 2716 - ны құрап (2017 жылдың осындай кезеңінде -2386) 13,8 пайызға ұлғайды.

Соның ішінде:

  • заңды тұлғаларда 356 адам
  • жеке кәсіпкерлерде 902 адам
  • шаруа қожалықтарында 1458 адам

2018 жылдың  2 айында барлық субъектілердің өндірген өндіріс көлемі 4 млрд 282 млн. теңге құрады.


Шағын кәсіпкерлік

КӘСІПКЕРЛІК  САЛАСЫ

Аудан бойынша шағын кәсіпкерлік саласында 01.03.2018 ж. 1748 субъектілері тіркелді, соның ішінде 142 заңды тұлғалар, 784 жеке кәсіпкерлер, 822 шаруа қожалықтары.

Шағын кәсіпкерлік саласында шуғылданушылардың саны 2716 адамды құрайды, соның ішінде  заңды тұлғаларда 356 адам, жеке кәсіпкерлерде 902 адам, шаруа қожалықтарда 1458 адам.

2018 жылдың 2 айында жаңадан 50 жұмыс орындары ашылды.

01.03.2018 жылғы жағдай бойынша  барлық субъектілерімен   жалпы 4 млн. 282 мың теңге көлемінде өнім өндірілді және қызмет көрсетілді.

01.01.2018 жылға шағын кәсіпкерлік субъектілерінің түскен салығы 104 млн. 254 мың теңгені құрайды. Былтырғы жылмен салыстырғанда бұл көрсеткіш 2,8 пайызға артты.

 

Шағын цехтар

Күні бүгінге аудан бойынша 32 шағын цехтар жұмыс жасайды, онда жұмысшылар саны 70 адамды құрайды.  2018 жылдың 3 айында жалпы сомасы  19 млн. 869 мың  теңгеге өнім өндірілді және қызмет көрсетілді


Құрметті салық төлеушілер!

Батыс Қазақстан облысы бойынша Мемлекеттік кірістер департаменті 2017 жылдың 13 қазаны күні Ақтөбе қаласында жаңа Салық кодексінің жобасын талқылау бойынша көшпелі семинар өткізілетінін хабарлайды.

Семинарға Қазақстан Республикасы Қаржы министрлігі Мемлекеттік кірістер комитеті мен ҚР Ұлттық экономика министрлігінің қызметкерлері, Қазақстанның салық төлеушілер қауымдастығының өкілдері қатысады.

Семинардың негізгі тақырыбы:

  1. Салық кодексінің жобасындағы жаңа тәсілдер;
  2. Жаңа Салық кодексіндегі салықтық әкімшілендіру;
  3. Өңірлік ерекшеліктерге байланысты қосымша баяндамалар (агроөнеркәсіп кешені, шағын бизнес субъектілерін әкімшіліктендіру, жер қойнауын пайдалану);
  4. Сұрақтар-жауаптар.

 

Салық төлеушілерді семинарға қатысуға шақырамыз. Өтетін орны: Ақтөбе қаласы, Ә.Молдағұлова көш.34, А.Жұбанов университетінің студенттер сарайы, басталу уақыты сағ. 10:00.

Барлық сұрақтар бойынша БҚО бойынша Мемлекеттік кірістер департаментінің түсіндіру басқармасына немесе жергілікті Мемлекеттік кірістер басқармаларына жолығуыңыз керек.


 


Ауа райы